BIERBOKS KOEK
TOOR MET BIERBOKSKOEK
VANILLA BIERBOKS KOEK
OF
SJOKOLADE BIERBOKS KOEK
BESTANDELE:
8 eiers
750 ml strooisuiker
500 ml kookwater (ek het die water met dubbeldik Griekse jogurt vervang)
150 ml sonneblomolie ( ek het dit vervang met gesmelte botter)
150 ml kakao ( jy kan dit vervang met koekmeel vir ‘n vanieljekoek)
5 ml vanielje
815 ml koekmeel
30 ml bakpoeier
Knypie sout
METODE:
Verhit die oond tot by 180˚C.
Klits die eiers en suiker saam totdat dit lig en romerig is.
Voeg die res van die bestanddele by en meng goed.
Giet die beslag in die uitgevoerde en gesmeerde bierboks.
Bak vir 35 minute.
Onthou oonde verskil en gooi maar ‘n ogie oor die koek hier van die 25e minuut af.
Sodra hy bietjie afgekoel het, maak jy die boks se nate los en vou hulle plat.
Plaas ‘n koelrakkie saggies bo-op die koek en keer die hele spul om.
Die boks, foelie en bakpapier behoort nou met gemak af te kom.
Versier die koek soos jy lus kry.
Bron: Boerekos Kook en Geniet
Plasing: Maggel Webster
Foto: Joey Kruger / WATERTAND RESEPTE VIR OUD EN JONK 

---