COCA-COLA SJOKOLADEKOEK

COCA COLA SJOKOLADEKOEK
500ml meel
500ml suiker
5ml sout
250g botter
45ml kakao
250ml coca-cola
375ml marshmallows, in kwarte gesny
5ml koeksoda
125ml karringmelk
2 eiers, geklits
5ml vanieljageursel
METODE:
Voorverhit oond na 180°C
Sif die meel en sout saam.
Voeg suiker by.
Verhit die botter, kakao en coca-cola saam tot die botter gesmelt is.
Verwyder van die hitte en voeg die marshmallows by. Roer tot die marshmallows gesmelt het.
Meng goed met die meel.
Los die koeksoda in die karringmelk op en voeg by die koekmengsel.
Voeg ook die eiers en vanielje by.
Gooi die mengsel in 'n gesmeerde koekpan.
Bak teen 180°C tot reg, ongeveer 45 minute.
VERSIERING: 
125g botter
45ml kakao
90ml coca-cola
500g versiersuiker
100g pekanneute, gekap
5ml vanieljegeursel
METODE:
Verhit die botter, kakao en coca-cola saam tot net voor kookpunt.
Voeg die versiersuiker by en meng goed.
Voeg meeste van die neute by asook die vanielje.
Versier die koek met die mengsel en strooi die res van die neute oor
ALTERNATIEF: Versier met Jellie Coke Botteltjies bo op die versiersuiker
Bron: Boerekos kook en geniet
Plasing: Tiana Botes / WATERTAND RESEPTE VIR OUD EN JONK

---