KLAM SJOKOLADE KOEK 
KLAM SJOKOLADE KOEK
BESTANDELE:
75 ml kakao
150 ml5 ml vanieljegeursel
250 ml koekmeelblom
1 ml sout
10 ml bakpoeier
250 ml suiker
125 ml kookolie
3 groot eiers (geskei)
METODE:
Voorverhit die oond 180°C.
Berei twee 200mm koekpanne voor.
Meng die kakao, kookwater en vanieljegeursel.
Sif die droë bestandele saam en voeg suiker by.
Maak holtes in die koekmeel en giet die olie, eiergele en kakaomengstel daarin.
Klits die mengsel 2 minute met ‘n elektriese klitser.
Klits die eierwitte styf en vou dit liggies in die meelmengsel in.
Giet mengsel in voorbereide panne en bak vir 15 – 20 min tot gaar.
*Vir ‘n wit koek, gebruik 55 ml mielieblom (maizena) in plaas van kakao .
Hierdie koek kan versier word met enige versiersel van jou keuse, maar ‘n LEKKER SJOKOLADE BOTTERVERSIERSEL
Altyd ‘n wenner.
BESTANDELE:
250g sagte botter of margerien
500g versiersuiker
125g kakao
1-2 eetl water of melk
5ml vanieljegeursel
METODE:
Sif die versiersuiker en kakao saam.
Gebruik ‘n elektriese klitser en klits die botter/margerien tot dit sag en ligter van kleur is.
Voeg die versiersuiker mengsel lepelsgewys by tot die mengsel begin dik word.
As dit te dik is, gooi die water of melk by om dit meer mengbaar te maak.
Voeg heel laaste die vanieljegeursel by en meng goed.
Smeer die mengsel tussen die lae en bo op die koek en versier met sjokolade krulle.
Bron & Foto: Pasgetrou
Plasing: Henriette Wessels / WATERTAND RESEPTE VIR OUD EN JONK